सजा रहा है कोई

janab Ahmad faraz ji ki zamiin par filbadih men likhi gai gazal---

misra
(Ghum e hayaat ka jhagra mita raha hai koyi.
Chale bhi aao k duniya se ja raha hai koyi. )
-----------------------------------------------------------------

bade adab se mujhe ye bataa rahaa hai koii,
abhii n jaao abhii,milne aa raha hai koii,

mujhe supurd-e-zamiin der se kiyaa jaaye,
ke waqtii taur ka rishta nibhaa rahaa hai koii,

ajab chalan hai zamaane ka ek zamaane se,
mare hue kii lahad kyon sajaa raha hai koii,

mujhe khabar hai mera or kya-kya hona hai,
vajood-e-jism ka qissa mita raha hai koii,

isii jahaan men,mujhse hai koi wabasta,
lo meri maut ka qarzaa chuka raha hai koii

main ab to khaak hun,nazron men is zamaane ki
ajab junoon hai ke ab bhi aa raha hai koii
Urmila Madhav
27.2.2016